قصيدة تخبلللللللللل لاتفوتكم

عتاب من امراة كلها وفاء لزوجها المتمرد

تزوج علية تريد ؟بعد شتريد اسويلك
اصيرن شمعة واضويلك
ابوك بشوش واشويلك
نسيت شجنت اطبخلك
وشجنت انه احشيلك
انه اللي جنت البخلك
ومن كل الالوان اخليلك
وبالصالون اذب الاف
وبتسريحة حلوة اجيلك
اثاري الطبخ واللبخ ميفيد
شسويلك بعد يمعود دخيلك
ابن الاوادم نسيت شجنت اسويلك
من جنت تعطش وينكطع بوري الماي
اكل لعيوني تبجيلك
واشربك من دمع عيني
ماي العذب يصفيلك
وك نسيت شجنت اسويلك
من جنت تتكلب وماتنام الليل
اني اسهر والوليلك
والظهرية من تطفة الكهرباء
اني اعرك واهفيلك
واذا بليلة مسج دزيت
الم فلوس الكارت واعبيلك
ومن جنت تزعل علي
جيش مشاية اوديلك
نسيت شجنت اسويلك
من اجيتني بطرك دكان
تبيع بي مصاصك ومساقيلك
كلت رجلي وراعي بيتي
ولو ينكسر ظهري اشيلك
وحتى افتحلك محل بي خير
ابيع بذهبي وابنيلك
وماكفت فلوس الذهب
رحت تداينت وماجيت بيوم اشكيلك
وتسالني شجنت اسويلك!!!!
ومن صارت عندك فليسات
صرت اني وجهالي كلشي مانعنيلك
ومن اطلع اشتري خضورات
تغافلني وتروح تلعب بذيلك
رصيدك خلص من المسجات
يوم سمسم يوم نمنم
وتقشمرهن بمراسيلك
وبكل ليلة تجي سكران
وريحة نسائية تعط من مناديلك
واليوم اجيت الي ندمان
وتطلب سماحي وتتوسل اجيلك
تقشمرني بكلمة احبج
من حبتك حية بعدمايعبر علية فيلك
شحسبالك احنة بالمكسيك
لوانت بمدبلج وتتفنن بتمثيلك
ماارجع الك لوحتى تبني قصور
روح انت وكفشتك وتواسيلك
تكلي بحقج جنت انه غلطان
من كبر اللي يلفك ووجعة التشيلك
وان شاالله لتاج محل رحلتي تكون
وانت لابوغريب يصير ترحيلك
وحق ذهباتي البعتهن
مول لافتح يم محلك واشرد كل معاميلك
وحق شيباتي اللي من القهر طلعن
لاصير اصالة بت نصري واغنيلك
اسفة شوفلك غيري تطبخلك وتكنسلك وتكويلك
وتسويلك ولوذرة من الجنت انه اسويلك


ملاحظة(معاني بعض الكلمات)

بشوش...ومفردها بشة وهي البطة او الوزة

الوليلك...وهي عملية الغناء للطفل حته ينجب وينام

اهفيلك...كلمة قديمة لم يعد لها استعمال بالوقت الحاضر بسبب توفر الكهرباء ماشاالله موووووو؟؟

مساقيلك ...ومفردها مسقولة وهي ماكنتوش العراق

تعط...اي بمعنى تفوح

فيلك...وهو الفيل كائن يطير عندما يبدا الانسان بالكذب

كفشتك...وهي تسريحة غير قانونية يعني فاول

دوم الضحكة ياملك
اي طبعا بيهة نكهة ثانية لان زيدت البهارات والفلفل شوية

ماعرف بيك عنيف وتملخ من الشعر لا وجماله لقبة ملك الاحساس اذا ملك الاحساس هيج لعد الماعده احساس شيسووووووووي هااااااا ؟؟هههههههههههه


تحياتي لك اخي العزيز كريم

دوم الضحكة منورة وجهك عمي الغالي

نورت المشاركة باحلى مرور

دوم الضحكة نمور الغالي

اي شفت خطية بس راحت منا هذا لعب بذيلة ميصيرلة جارة ابد
هههههههههههههههههههههههه


طبعا مو الكل حتى لاتكولون جمعت الكل بهاي القصيدة


نورت المشاركة ياوردة

دوم الضحكة حورية

ولج اي طبعا تتحمل غير الحب اثول العفو قصدي اعمى

مجبرا اخاك لاسبع اقصد لابطل
ههههههههههههههههههه

نورتيني حب حب

دوم الضحكة نسومة حبي
انتي الاروع


نورتي

دوم الضحكة سوسو
انتي الاروع حياتوووو