الشاعر فريق الركابي

الشاعر فريق الركابي
شاعر عراقي اجاد في الشعر الشعبي والنبطي وله مجموعه بالشعر الفصيح , استعمل الاسلوب المبسط والرائع في قصائده مما اكسبها روعةً لدى القراء , اتقن الشعر الشعبي بكل انواعه ( الوجداني , الغزل , الابوذيه , الدارمي , الزهيري ... الخ . له دواوين شعريه نشرت معظم قصائدها .

قصيده بعنوان ( لي صاحبٍ ... )
لي صاحبٍ كان في ضيجي يداريني
يمسح دموعي اذا صبّت مجاريها
عِندَ كلامٍ يشرح البال ويريح
الكَلب منّه يسر والروح يهديها
هوْ يفعل الخير يزرع في النفس بذره
عسى بماءِ المكارم غيره يسكَيها
الغيث يهديه ربٍ في العُلا امره
ينزل علَ ارضٍ يعمّر كل مافيها
والنفس لو حبّت ومالت على حال
تبغي حبيبٍ يداري ماحصل ليها
مثلَ عليلٍ لو مرض جسمه وانحال
غير الدوا مايداوي العله يشفيها
يشفيك خلّك لو كنت راكَد اركَود
حلو َ المعاني لروحك هو ّ يرويها
والعود لو كان اصيل ونابتٍ زين
يعطيك خيرات طيبٍ انت تجنيها
صديكَ صادكَ طيّب النفس معروف
يصير ريحٍ لكل غيمه يجلّيها
يصير ريحٍ لكل غيمه يجلّيها





( جيتك اشكيلك الم ... )
جيتك اشكيلك الم وجروحي بيدي
شولكَيتك كلك جروح الزمن شمسوي بيك
وجيتك احجي قصّتي وروحي بوريدي
ثاري انته قصّتي وماادري بيك
يازمن مو بس عليه تشيل سيفك
خلي سيفك لعبه للضحكوا عليك
انه بطّلت الحزن حنّيت اديّه
بس طلع حنّاي دم صاير بديك
بعد جرّبهن عليّه اسهام وكتك
انه كلّي اسهام وايرجعن عليك
اشكَد بعد احمل قهر واحمل هموم
همومي هذي اتمنه كلهه تشيل ليك
حته تغركَ بلسراب تعوف روحك
ولابعد اشكيلك جروحي واشوفنّك شبيك
باعت البسمه الشفايف من زمان
والفرح يندل طريقه مايجيك
انه لو ادري الوكت ذبني اعله بابك
جا صرت طوفان !! وتنّوراسوّيك
جا صرت طوفان !! وتنّوراسوّيك





( اصيرن لك )
اصيرن لك ربابه والوتر شريان
وانته عليك غني ونزل دموعي
اصيرن لك نفس واتلاوه ويَّ الموت
واصيرن لك جسر واعبر على ضلوعي
واصيرن لك قصيده واعذب الالحان
وعله صوت العتابه اعلكَهن شموعي
واصييرن لك نهر وانته الجرف والماي
عطشانه الشفايف اسكَي ربوعي
اصيرن لك فرح وانته الهلاهل فوكَ
بدّل ثوب حزني ونشف دموعي
أنه بلياك واحه امنل حزن ضليت
وانتظرك تجي واتخففه لوعي
صدك ضايع عمرنه و ماعرفنه اشبيه
بس الاه ضلّت تحركَ ضلوعي
بس الاه ضلّت تحركَ ضلوعي

الله الله الله
والله اخيتي تبدع ابداعات مو طبيعيه



سلامي الج حبيبه كلبي انتي

طرح جميل ومميز
سلمت يمناك ع الانتقاء والسرد
لاحرمنا الله من عبير تواجدك
دمت بسعادهـ بحجم السمآء
لقلبك طوق من الياسمين
تقبل مروري
د. السيد عبد الله سالم