يناهي الشوك ذمٌـه وذات من ذات وفرق مابين حالي وحالك إبعيــــد سنه وصدٌك يِضَـوك الروح لوعات ويجَملٌي الجروح جروح ويزيــــــد أبات إبحضن صبري إليالي ويباتْ جرح يصحه وجرح متغصٌب إيزيــــد وأكًًول إشوالف السرحان للشــاة إعله سـجٌه وكًاوداه الإيـيد بالإييـــد إلك جـانت يحلو الطول جيـات عجب تبخل علينه إبجيٌـة العيـــــد تنينه وأملينه إجفونـٌه إبطيفْ وصبرنه وصبـٌرينه الآه بـــــالآه وتحسفنه الحســافه وحيف عالحيـف عله إسواجي الدموع المالهن جـــــاه إشيصير إعله الترف لو ينحسب ضيف إعله غفله وعيد وصل الزين محــــلاه أنه إبعازة الموت وحاجبك ســيف وأمــوت إبغير صدٌة غيض ماريـــد إلك جانت يحلو الطول جيـٌات عجب تبخل علينه إبجيٌـة العيـــد أحن لمسامرك ولكًاك شلكًاك شَرِي المعشر حلاوة شــوك مابيــــك ويمر صيفك صبر وتنَطٌر إشتــاك تبيعك عزتـٌــك وبذلـٌـتي أشريـــك يبو الروح إعله روح إهواك شلهــاك وإهي إبعيـن الشفاكًـه إليالي تِربيــك أبد ماسامرتها الآه لولاكْ ولا جـان إعله دربك لاويــه الجيـــد إلك جانت يحلو الطول جيـٌات عجب تبخل علينه إبجيٌـة العيـــد أنه ولا كًـول عنـٌك غير معذور ولَو ماظَلْ عذر للروح ينكًــــال لـَجَنْ ون ايساهر ليل معـذور ألم لو من وكت لو من ولف شــــال وانه إبحالي إعله صبرك حال مزهــور صبر ومكابر المحتـــام جَتـــٌال إلك عمري إعله زين وشين منذور ولَو من السنيــن إوشال ما ظـــال لـَـجَنْ يبقه الجفن للعين مسحور ويظل راكد عليها النوم تركيــــد إلك جانت يحلو الطول جيـٌات عجب تبخل علينه إبجيٌـة العيـــد | |||||||||||||||||||||||||||||||||||||||
| قصيده تين العجم | |||||||||||||||||||||||||||||||||||||||
بعد مايحتاج تِتعذرّ من نِشفـَتْ الشِفـٌه ولونها اتغيـّر من ثلج البديك .. يصِل صِليل وداع والحجي السِلس بلسانك اتعثرّ من ظلمة عيونك والشمس رُمحيـنْ جلجل ليلهن وتحزٌمَنْ بالشـَر من رجفة جفوفك والبرد بالكـَيض علامة قـلب صاح الصاحبه اتـنكـّر يامثـَنـٌي الخواصـِر والحمول ثـكَــال إحمولَك عِفـَه وعـَل الخصر تتبطـّر ياحايل ثمر .. من الجدم للراس كل حايل ثمر معذور من يغتـــَـرْ ياهمزة وصل سبحان من ســوّاك والخـَلـّه الظبي اعله النمر يتنمّــر يل كـِلـّك تَــرَفْ وشصار هالطغيــان ربك فوكَ كل جبار يتجّبــر ياتين العجم.. ياطعم خمرة دير تـِسـكًًيـَني ابكـرم وتلومني من اسكـــر من تِدلع غـَــنَج عندك عذر مقبول رمـّــانك لـَــحَكَ والزيج ما ينــْزَر | |||||||||||||||||||||||||||||||||||||||
| تعبان | |||||||||||||||||||||||||||||||||||||||
لوتدري اشكثر تعبــان ؟ ألهث والدموع إيخضّر اله السان تلتم بالدمع سجة عله مدّ الشـوف وادكَ السوالف بالعتاب ايشــــــان تعبان!! أشتم الصبرمن واهس المهضـــــوم من صبر الشمس من شوك المغنين واحزن ترس حيلي الهم حزن معدان ما تطفه الشمس ما ينجفي الفنجـــــان ما تلتم إديّه بعين هـــــــــــــــذا وذاك ماجول الخشب حدر الخشب لولان ما ولياحد وياحد؟؟؟ ترَ طبع الجروح ، الآخ ، من تبرد!!! وآنه وروحي : كفر واسلام بين السكتة تتوحـــــــــد آنه اوياك بدرب جدميـن نمشي اشما جزانه الحــد واحس روحي فرح سفان أهب الريح بشراعــــــــه انه اوياك الهرش والطيـن يمتد الهرش لو حوتمت كَاعه انه اوياك الزمر والبين يتلاكَن مكَص لودكت الساعه | |||||||||||||||||||||||||||||||||||||||
| ما ترتاح | |||||||||||||||||||||||||||||||||||||||
ما ترتاح… لأن سدَّيت اذانك من ضميرك صاح وهي مزنه… ثجيله أو عاصفه أو حالوب يريد لهن سكف مصبوب موش ألواح ريح امسودنة بيهَ المعمرة أتطيح… ونته أعواد حلفه أمنيلك سباح جان الريح شامل والغثيث أيضيع… بس من صفه الحاصل شالك المرواح بالزرع الجثير أيشيه شوف العين… والنبته الخبيثه أتفوت عالفلاح ما ترتاح.. من هاج البحر وابعد علينه الكَيش..... غادرت السفينه أو خنت بالملّاح أو حشَّمت العواصف والمطر والروج…لذكرت الربه او لاكلت بيه أرواح صحبة عمر جانت والعمر دربين… أشو باوَّل الخطوة أو ماي وجهك طاح أو خاويت العفن والقذر والممروض… أو ماشيت الودر والزفر واللفاح أو من هاجت الدنيه أوزره أوياك الحال… غطَّوا روسهم والداح منهم داح ما ترتاح… لأن ندبه أبضميرك والجبيل أبخيت والشاره التحركَك عمر ما تنزاح | |||||||||||||||||||||||||||||||||||||||
| اوراق يومية | |||||||||||||||||||||||||||||||||||||||
جور.... اشما طفح غيظك على الناس سليل الظيم الك بالساس نداس لون تكبر حقد نكبر علامات وكذب شمس الظهر بالباع تنجاس تذل كثره الكصص حد لطخة الطين وكصصنه... ابشدة التاريخ تنباس فرق بين اليبيع اسمه وسجاياه وما بين الوفي المادنك الراس ومن بين الحزن والاه والياويل ومن ركبت طفل.. ما كاوت الميل ومن بين العطش والجوع.. والنار ومن بين الثواجل والمجاتيل ومن بين الصبر والطيف والحيف ومن بين الجفوف المالهن حيل لون ليل الغدر يكبر علامات نشع نجمة صبح ونشتت الليل.. مهو وحدة الصدى الصادك مع الصوت وابن ليلة غوه اليتهيب الموت هلج يا كاع لا ترجف حناياج يخون اسمه النجه ابروحه و تعداج ولون هبت عكس ريح التغاريب وسحب روحه السمه احنه عيونه اسماج ذره ايامج كحل واسمج مواويل ودمنه ايهون الج لو غيرنه انطاج وحك ليل الجرح والويل والحيل العثره اشما تصير ايفوته السيل وحك ملح الخبز والطيب واللون يمر الموت بينه وما يمرون والمنازل شرعبت للنار والنار تشب.. هلبت تفرزن دار من دار يلطخ صفحة الانجيل كانوص ويلوث صفحة القران غدار ويساوم على الشرف والناس جاسوس ويبيع ويشتري المهزوز الافكار وحك ملح الخبز والطيب واللون يمر الموت بينه وما يمرون وتهون.. اشما طفح ميزانها تهون الوكت صهوة مهر وتجيب البطون وعرفنه السلطوا سيف الوصايات باسمنه شكد حجوا وشكد يجذبون وعرفنه الريح من تقسي ويه الاشجار يوهسا الكطع بالخاويه ودون الشمس غاية وشرف لليعشك النور ودرب قرص الشمس من كال مامون وحك اخر وصيه من اليطيحون يمر الموت بينه وما يمرون | |||||||||||||||||||||||||||||||||||||||
| المرثية الأخيرة | |||||||||||||||||||||||||||||||||||||||
منايانه غفل والدنية غدارة وفواتحنة أكثرت والدمع يتجارة وشارتنا الكبل .. جانت مثل للناس هسه احنه النخاف اتلوحنه الشارة جنه اعله المنايا انفوت متعنين وعله زمور التفك لو ثار نتباره وجان المشتهينه اندك عليه الباب ونخلي اعلى راسه الفشك كبارة وجان الموت يصفن من علينه ايفوت ومن نصرخ ابوجهه ايبدل افكاره حزب جان اليمسه ايموت كبل الموت وعلى هاي الشمايل كبرت زغاره نمشي ابطولنا وبالفخر متحزمين ويسورب ورانه التكثر اعذاره صفينه انشاكف الطك بالاسف والحيف وندور عالبخيت انلوذ بكتارة ياموت العفه ارحمني برصاصة موت ولاعيشن دجاجة بيت دواره سلام ابايسكله ايدور الولايات ولا يمشن وراه خمسين سياره وابو كريم نصير وشعل كردستان وظلت كل رفاقه اتسولف اخباره وحسن نايب عريف وغير التاريخ وثاير ماتحمه ابنار ثواره وابو محيسن ترف ويخوض ماي الهور وبدمه الكصب يتعالن اكصاره ياحزب الفواتح ياطريق الموت ايمام الما يعور يستحي الزاره ياحزب الضحايا ... امجتفين اجتاف نتنطر سرانه يحين مشواره شني فود النخل لو طال بيه الطول والارض الخبيثة اتحوش جماره يبن صالح وحكك.. وحك دم سعدون وحك ثارك الطاح وما طفت ناره وحك ضحكة اعيونك والدعابة البيك ردتك ساعة الطك تنجوي بناره بس يافشلتي ويا فشلة الحبوك ( جتل خنزير محد ياخذ ابثاره ) | |||||||||||||||||||||||||||||||||||||||
| كلبي على وطني إلى الشاعر عدنان الصائغ | |||||||||||||||||||||||||||||||||||||||
إلى الشاعر عدنان الصائغ يا وطني الموشوم بالقنابل يا وطن الأشجار والأنهار والجداول يا وطن الأديان والإيمان والتساهل يا وطن الأشعار والإصرار والتفاؤل يا وطني المقتول والمقاتل إنزف صبر يا وطن.. بيّه إلك ميّة جرح كلما يهيد الألم بجروحي أذرّ الملح أفديك يا وطني لو مية مرّة أنذبح وأشرب نخب هيبتك من المسا للصبح مثلك محب ما إلي ومثلك جرح ما يصح يا رمح بضمايري لا خطه ولا صابني كلبي على وطني كلبي على وطني وي رشفة الفنجان وبكل تحية صبح من حايط الجيران لو ما أنت يا حيرتي ما كان كل ما كان من غير أرض وأهل ما قيمة الإنسان بس يا خسارة الأهل من حط رحالة الجمل.. ويّاك علو الجبل ولا رخص علج أجنبي تتخضّع وتنحني كلبي على وطني كلبي على وطني وي كل سحابة تفوت وعن كل بطل ما بخل فوك التراب يموت وعن كل دمع من يشع عالخد يكع بسكوت وعن كل كمر لو ظهر.. وبحزن روحي انتحر والطير فوك الشجر ينشد بأعذب صوت الماي من ينغلي من لوعته يغني: آنه أنجوي بطيبتي وكل حي طلع مني كلبي على وطني.. أهواك يا وطني لو جنتك ناري!! وانزفلك الدم شعر واهديلك أشعاري كل يوم نكعد سوه وأحجيلك أسراري تفكدني من أبتعد وتزورني بداري وأبجيلك ابلا دمع وأشرحلك الجاري معذور من سرني ومعذور من لامني كلبي على وطني كلبي على وطني الكل عمري جان الأهم أسكيه بمي دمعتي ويسكيني كاس الندم أنطيته حلم العمر ونطاني جنّة وهم واني مثل هالبشر هم روح دم ولحم ما ضعف حبي إله ولا غيّرت مسكني كلبي على وطني بالحرب شلتك نبض من ساتر لساتر وشرّبتك بخوذتي من حبّك الطاهر تغفه اعله سبّابتي ويبقه الكلب ساهر ومن ضاك بيك الوكت انطيتك اخواني كلما تذبّل كمر تطلب كمر ثاني!! لا جيت عزّيتني ولا شاركت حزني أشكيك يا منيتي لو تشتكي مني؟ كلبي على وطني كلبي على وطني كلما تدك صافرة وكلما قذيفة غدر تنطلق من طائرة وعن كل طفل منذهل وعن نظرته الحايره وكل قنبلة لو إجت وبأرضك اتفجّرت اتفجّر الحالتي وبجفوفك أتناثر أحزانّه صوغتك وأيامنه امكابر وبس الحزن والألم من شجرتك ينْجني كلبي على وطني كلبي على وطني وباجر يرشني الفرح تحت السمه الحالمة واضحك بكل المرح انسه الجرح والألم واحرك أوراق الندم ومعذور ذاك الوكت لو بيه ضحك سني كلبي على وطني | |||||||||||||||||||||||||||||||||||||||
| عاذرك | |||||||||||||||||||||||||||||||||||||||
كاسرت عمري اعله عمرك كطعت ليش.... وحِـركتك جويه مني وجويه منّك ونتشيت . . استاهلك شهكة عوافي وخيّبت ظني . . وصدك ويّاي ظنك ماكلت عنك . . عرك جفّك ابجفّي ولا كلت جاسك زعل واشتعل دمي ابنار دمّك أصعر . . وتستسهل . . اتشاغل خيالي وياخذك غيّك . . خرز خلخال . . تِـطّــشّـر وألمّك ومدري ليش . . أتمايزك وردة اكرنفل اِتّيه روحي ابريحتك واحتار من ياصفحه اشمّك أختلي ابحسنك . . وافج كلبي واطلعك تلعب ابعمري . . وخاف الغير يندلّـك وأضمّك خاف تاخذني . . اعله بستانك فرحِتي وخاف تكبر حيرتي وحسنك يغرّك خاف تِطشّر ولك . . وشلون المّك ! ؟ كالو : ايحبك ! ! كلت من شاف كلبه ؟ وجبّست دمعي . . وسكن نبض الكلب . . عن لا يذمّك تِرسْ جفّي . . اسوالفك وحده اعله وحده وعرك جيدك زمزمي . . وخجلان تتعذّر ! واكلّك : لايهمّك من تجِسني اشفايفك تاخذني غيبه ! ومن تِرِشْني ابمزنِتَك . . ولهان افز . . لن روحي يمّك ؟ اختلي ابحسنك . . وأفج كلبي واطلعك تلعب ابعمري . . وخاف الغير يندلّك وأضمّك وخاف تطّشّر خرز . . وشلون المّك ؟ اشجان ضرّك . . تختصر بعدك عليه ؟ وكلّي شكرات وحمد للمختصر . . حسنك ابخصرك تشرب معافي . . حناني ولهفتي وتسكر ابدمي . . وتنتشي ابغيّ الشذى . . وتتعزّل اعزال من اجرّك من جمعني وياك ؟ من شدني . . ويه طولك . . طعّمك بيّه وصرت حلوك ومرّك لنها ما بالغبشه . . غبشه . . ابغير عينك خاف اترزبيك .. حد كطع النفس وازهك واضرك ! خاف تطشر خرز .. وشلون المك ؟ ومن كبل .. كل شوكه عمري من الطوارف حسبت مثل الوداد .. الفات ودك من كبل .. وآنه الورع كحل اجفوني وجنت اظن : وكت التهد بيه روحي اهدك .. لني كلما فززن صبري الليالي .. وخان وكتي اتوسلك .. هدوة كت خليني عندك اوعاذرك .. لو هدل عودك .. من كدر يحمل حسن مثلك وكدك ؟ غاذرك تغلط ابحكي .. وتبخل ابظلك على النايم ابسدك عاذرك تغتاض .. بس من غير شاره .. وشارتك هالبينت ودخيل جدك عاذرك .. عن لايهم كلبك ابهمي وتنترس عينك دمع وتنترس عينك دمع | |||||||||||||||||||||||||||||||||||||||
| اخذني وياك | |||||||||||||||||||||||||||||||||||||||
| جملني بعد كطره وخذني وياك هناك الفيض كلبك حتى روحي تنام عصفورة جرف بلل جنحها الكيض اخذني وياك امشي ابغير واهس والطواري كصار وعيوني غرب وجفوف اديه اوداع واسمي ابغير معنى وميل كحلك غاب وتنشدني اعله كلبي ! كلبي حب وذاب ياكلبي حلك تنور لو سرداب ؟ صوغني ولو من ليلكم نجمه تبات وياي ومن تشبع سهر ويجيسها الوهواس اطفيها ابصبح والغبشه رشكه ماي واشعلني ولع يدوي العطش بالعود حتى انزع جلد روحي وارد لصباي أملني الفرح بسمك ورد عالباب فاحت ريحته ولنك بعد ماجاي بعد ماجاي !! من ياصوت أصيحك ؟ والصدى ايجاريك واكلك : مكدرت يالتكدر ابلياي | |||||||||||||||||||||||||||||||||||||||
| لاتجينه | |||||||||||||||||||||||||||||||||||||||
لاتجينه لاتجينه !! جان كلت : ابو حبه الأبيض غير معشركم لكينه جينه مشتاكين وبلهفه او تسد بابك علينه جينه يدفعنه الهوى اودمعاتنه اتكطر بدينه او جنت اظن عندك وفه او روحيته من فرد طينه غمكت جرح الجفه او زدت الكلب ونه لونينه اعتب اعله الروح جي لنها اعله ريحتكم حنينه واتب اعله الشوك والعشرة اوسوالفها الحزينه علمتني اشلون يتبره الخوي او حمل اليكع محد يعينه عفيه صحبة هالوكت بيها اليجافي اشوكح عينه !! اولا تجينه !! - ما اجيكم واليدك بابك بعد تنشل يمينه اوجينه مدري الجدم زل بينه اعله دربك لوعمينه اوجيت ارد روحي البكت سنتين بديارك رهينه او جني ضيف ! اوعادة الينضاف للخطار يرخص ماي عينه وانته ماجنك ربيت ابماينه او شارب حنانه وانكرت حتى العرف يوم الوكت بيدك رمانه عفيه كلبك هلبت ابساعة وفيه وبالك طرانه اوجينه نشجيلك عذاب اجروحنه او لوعة هوانه آخ يا دمعك فلا يبطل يهل لمن عمانه ياعفه اكلوب التشيل الظيم وشنحمل عفانه اوحتى اعز الناس من طحنه ابهظم جاروا علينه اومن وصيلنه لدارهم كالوا : - اشجابك ؟ لاتجينه ! عفيه صحبه هالوكت بيها التجافي اشوكح ! عينه | |||||||||||||||||||||||||||||||||||||||
| تــل الـورد | |||||||||||||||||||||||||||||||||||||||
| عاتبني ابعتابك خل ترد روحي اوهسني . . ابدلالك . . ياشتل شمام حتى ازهك . . وشوفك وينها اجروحي بيه اشبع غرورك . . يا أعز جتال يتمايل غنج لو بيه . . ثكل نوحي تعاتبني اعله حالك . . صار بيك الصار جاشدل اجروحك هاي وشتوحي كبل حبك . . جبل مالاح طرفي السيل هسه اول زخاخ ايغطن سفوحي ! ومنك ماروت يدعج بعد روحي ولا رادت . . ولاسمعت . . ولاحبت لاتحمل ((نجاة)) ابليل لوغنت اعلمها الورع . . واطبك عليها الباب تذكر ضحكتك . . واجهرت ماعنت لا لامتك ليش . . وشوفك اصبح طيف اشلون ابعدت عنها . . اشلون ماجنت ! وعيونك ابغير عيونها اتهنت وجفوفك ابغير اجروحها اتحنت يا تل الورد . . تل آخر السباح حته اطفه . . من اشوف ارويحتي انتلت كلت انجفه الماي . . وذبل عود الياس والوادم نست وبغيرنه اتسلت وأول ما شفت طولك نسيت الصوت وروحي بلاسبب بجفوفك افتلت ياكمرة حياتي البعد ما هلت . . يا انت . . وكفاني اتوهدنت وياك تحسبني . . وحسبتي وياك ما فلت كلمن عرف وشره . . وشال منها الشال وتعده العمر والوادم اندلت هسه الراح راح . . وبين ايديك الروح بس ذمه ابركبتك يوم لو سلت
|
عداد الزائرين لمضايف شوگ
أنت ألـزائـر رقـم
بحـث
المواضيع الأخيرة
أفضل 10 أعضاء في هذا الأسبوع
| لا يوجد مستخدم |
أفضل 10 أعضاء في هذا الشهر
| لا يوجد مستخدم |
أفضل 10 أعضاء في هذا المنتدى
| ملك الاحساس - 3735 |
| |||
| دعاء العقابي - 3539 |
| |||
| ابوسيف العويسي - 3068 |
| |||
| كاظم الناصري - 2770 |
| |||
| عاشِــقة الليل - 2605 |
| |||
| الفراشة - 2398 |
| |||
| نمر الحلاوي - 1749 |
| |||
| الملکة - 1733 |
| |||
| سندريلا - 1653 |
| |||
| بنت الهدى - 1394 |
|
أفضل 10 فاتحي مواضيع
المواضيع الأكثر شعبية
المواضيع الأكثر نشاطاً
تدفق ال 
ساعة مضايف شوگ
شروط كاميرة اعضاء مضايف شوگ او الصور العامه؟؟
¤¤¤¤¤¤
1_هذا القسم يختص في الصورالتي انتم التقطتموها في حياتكم الشخصيه
بمعنى اخرالصور التي اخُذت بواسطة عدسة كاميرتكم الشخصيه من صور
مناضر طبيعيه اوموقف عجبكم او اي شي احببتمو والتقطتُ لهُ صوره
ـــــــــــــــــــــــــــــــــــــ
2_يمنع رفع المواضيع القديمه واذا لم يتم الالتزام بذالك سوف يحذف الموضوع
ـــــــــــــــــــــــــــــــــــ
3_يمنع وضع ارقام الموبايل او الاميلات اوحقوق مواقع ثانويه للصور
ــــــــــــــــــــــــــــــــــ
4_مراعاة احجام الصور حتى يستطيع المشاهد أن يرى جيدآالصوره لاكبيره ولاصغيره
ستكون وسط
ــــــــــــــــــــــــــــــــــ
5_ممنوع تنزيل صورة شخص بدون موافقته وفي حالة عدم اخذ الموافقه سيتم حذف الموضوع
ــــــــــــــــــــــــــــــــــ
6_ممنوع تنزيل صوره سياسيه او دينيه تشوه القيم وممنوع صور الاسلحه او التفرقه الطائفيه
ــــــــــــــــــــــــــــــــــ
7_يحق لكل عضو ان ينزل (1 ) موضوع في اليوم
ــــــــــــــــــــــــــــــــــ
8_الاحترام في الردود
ــــــــــــــــــــــــــــــــــ
تحياتي لكم اعزائي واحبابي
اخوكم
المدير العام
5 مشترك
قصائد سيد عريان
المدير- منشئ المنتدى والمدير العام
الجنس : 
عدد المساهمات : 194
السٌّمعَة : 3
تاريخ التسجيل : 27/08/2011
العمل/الترفيه : شــــــــــــاعـــــــــــر
saydsalem- عضو نشيط
- الجنس : عدد المساهمات : 744 السٌّمعَة : 2 تاريخ التسجيل : 31/12/2011 العمل/الترفيه : استشاري أمرض صدرية
المزاج : معتدل
المهنه : طيب بشري
استمعت بقراءتها
دام نبض قلمك لنا
تحياتي
د. السيد عبد الله سالم
دام نبض قلمك لنا
تحياتي
د. السيد عبد الله سالم
ابوسيف العويسي- الشاعر الاول في المنتدى
- الجنس :
العمر : 54 عدد المساهمات : 3068 السٌّمعَة : 14 تاريخ التسجيل : 28/08/2011 العمل/الترفيه : شاعر شعبي
الــبــــرج : 
المزاج : سعاده وسرور دائم المهنه : مضايف اهلنه
جهود مميزه ستاذنا الغالي
المدير حياك الله
المدير حياك الله
الملکة- الملكة
- الجنس :
عدد المساهمات : 1733 السٌّمعَة : 10 تاريخ التسجيل : 16/09/2011 المزاج : طبیعیه جدا المهنه : محامیة
الفراشة- مشرف مضايف شوگ
- الجنس : العمر : 30 عدد المساهمات : 2398 السٌّمعَة : 14 تاريخ التسجيل : 27/07/2012 العمل/الترفيه : الرياضة الــبــــرج : المزاج : متقلب المهنه : طالبه كلية
الله كلش حلوه
استمتعت بقرائتها
ودي
استمتعت بقرائتها
ودي
مواضيع مماثلة
» يـــارب
» ما الحب ؟؟
» السلام عليكم جميعا
» ميلاد القائم عجل الله فرجه الشريف
» كل عام واجروحي ابخير
» أضــــــــحـــــى مــــــــبـــاركــــــ
» مرحبااا
» عيد سعيد عليكم احبتي
» التوت الازرق
» الكيوي
» الفراولة
» الكمون بالليمون
» أنها الدنيا
» جوزيه مورينيو